Faridaning birinchi turmushi befarzandlik tufayli buzilgan boʼlib, u keyinchalik Sardor ismli uylanmagan yigitga sharʼiy nikoh bilan turmushga chiqqan edi. Kunlardan bir kuni u shifokorga borib, oʼzining homiladorligidan xabar topadi. Farida juda quvonib ketadi. Soʼng, bu haqida Sardorga aytadi. Аmmo, Sardor unga faqatgina tugʼmasligini bilib uylangan, aslida Farida bilan bir oila boʼlib, farzand koʼrish niyati yoʼq edi! U Faridaga unashtirilganligini, yaʼni, oʼz xolasining qiziga uylanayotganligini aytadi. Farida dahshatga tushadi. Sardor bolani tan olmasligini aytib, Faridaga boladan voz kechishi kerakligini tushuntirmoqchi boʼladi. Аmmo, shuncha yil deganda bolali boʼlish orzusi roʼyobga chiqayotgan Farida, bunga rozi boʼlmaydi! Shunda Sardor jahl bilan uni tashlab ketadi! Ertasi kuni esa, tasodifan Sardorga turmushga chiqayotgan boʼlgʼusi kelinchak, Farida ishlayotgan Kelin liboslari saloniga, Kelin libosi tanlash uchun kirib keladi. Sardor esa, Faridani koʼrib, tosh qotadi. Soʼng, jahl bilan boʼlajak rafiqasini u yerdan olib chiqib ketadi. Farida Sardorni aniq yoʼqotganligini oʼz koʼzi bilan koʼrgach, qanday yoʼl tutadi? U bolasini dunyoga keltiradimi?