Jamol aktyor boʼlishni orzu qilib, poytaxtga kelgan badavlat, tadbirkor yigit. Uni taksichilik qilib kun kechirayotgan qiz Ruxshona, kutilmagan bir tushunmovchilik sabab, turist, yaʼni Hindistonlik, deb oʼylaydi. Qizning otasi altsgeymer xastaligiga chalingan, ukasi esa giyohvand edi. Jamol uning hayotiga yorugʼlik olib kirgandek boʼladi. Аynan Jamol tufayli uning hayoti oʼzgarib ketadi. Аmmo, bu oʼzgarish qachongacha davom etadi? Nur boʼlib koʼringan muhabbat, aslida sarob emasmikan? Jamol-chi? U oʼzi orzu qilgandek aktyor boʼla oladimi? Muhabbati uchun kurasha olarmikan? Ruxshona u bilan oʼzini oldinda nimalar kutayotganidan bexabar edi...